Европската централна банка одби да поддржи заем од 140 милијарди евра за Украина

Европската централна банка (ЕЦБ) одби да обезбеди заштитна мерка за исплата на 140 милијарди евра за Украина, што дополнително го комплицира планот на Европската унија за подигнување „заем за репарација“ со користење на замрзнати руски средства, објави „Фајненшл тајмс“ (FT).

Според извори на FT, ЕЦБ заклучила дека предлогот на Европската комисија не е во согласност со нејзиниот мандат, што го отежнува собирањето средства од средствата на руската централна банка што се депонирани кај белгискиот депозитар за хартии од вредност, „Евроклер“, објави „Ројтерс“.

Планот на ЕУ предвидува користење на замрзнати руски средства за финансирање на заеми за Украина, што би ја поддржало реконструкцијата на земјата и би ја зајакнало нејзината економска стабилност.

Одлуката на ЕЦБ значи дека Комисијата сега мора да разгледа алтернативни механизми за финансирање или дополнително да преговара со институциите-членки на ЕУ. Досега нема официјални изјави од ЕЦБ и Европската комисија за оваа одлука, објавува „Танјуг“.

Фото: ЕПА

Текстот Европската централна банка одби да поддржи заем од 140 милијарди евра за Украина е превземен од МАКФАКС.