Заложникот Алон Охел свирел пијано првпат по две години, мајка му зборуваше и за повредите

Алон Охел (24), заложникот со српско потекло, свирел пијано првпат од 7 октомври 2023 година кога бил киднапиран во напад на палестинската милитантна група Хамас врз Израел во болничката соба во Тел Авив, изјави мајка му Идит Охел за израелскиот „Канал 12“.

„Пред неколку минути седна на пијаното во својата соба и свиреше малку по две години“, истакна мајката на младиот пијанист додавајќи дека Алон постепено ќе се врати на свирење на нивото на кое беше навикнат.

Семејството Охел користеше донирани пијана во целиот свет како начин да ја подигне свеста за неговата тешка состојба.

Кога беше прашана за лошата состојба на окото на Алон, за која претходно зборуваа израелските заложници ослободени претходно оваа година, Идит рече дека „Алон гледа многу лошо на десното око“.

„Тој сè уште не поминал детаљни прегледи. Ќе видиме“, додаде таа, како што објави „Тајмс оф Израел“.

Идит нагласи дека син ѝ не знае ништо за тоа што се случило во Израел во текот на изминатите две години, освен дека имало војна.

„Тој беше шокиран кога виде толку многу луѓе на Плоштадот на заложниците и непознати луѓе кои ја држеа неговата фотографија. Одиме чекор по чекор, во ритамот на Алон“, додаде таа.

Охел присуствуваше на музичкиот фестивал „Нова“ на 7 октомври 2023 година кога членови на Хамас го нападнаа јужен Израел и го киднапираа него и 250 други заложници. Како дел од договорот на американскиот претседател Доналд Трамп за прекин на војната во Газа, Хамас вчера ослободи 20 заложници.

Вчера, голем број луѓе се собраа на Плоштадот на заложниците во Тел Авив во поддршка на ослободените заложници и нивните семејства.

Иако долго време немаше официјална потврда дали Алон е жив или мртов, мајка му Идит никогаш не ја изгуби надежта. Како што претходно изјави за телевизијата „Блиц“, ослободените заложници ѝ раскажале за заробеништвото и за тортурата низ која поминале.

„Тие биле држени во многу мал простор, 40 метри под земја, во тунел. Им била давана мала количина храна дневно, една пита или нешто многу, многу мало. Врзани биле со синџири на глуждовите и немале воздух бидејќи биле длабоко под земјата во тунели“, рече Идит, меѓу другото, во мај, речиси пет месеци пред ослободувањето на Алон.

Како што додаде тогаш, ослободените заложници ѝ рекле дека Алон свири пијано на своето тело „за да ја зачува вештината што ја има во рацете“.

Охела од Појасот Газа, по неговото ослободување, првин го презеде Црвениот крст, а потоа заедно со другите заложници беше предаден на Израелската армија (IDF), која ги транспортира него и неговото семејство во болница во Израел со хеликоптер.

Тој беше фотографиран како седи насмеан во хеликоптерот помеѓу мајка му и татко му држејќи табла на која ја напиша својата прва порака по ослободувањето.

Текстот Заложникот Алон Охел свирел пијано првпат по две години, мајка му зборуваше и за повредите е превземен од МАКФАКС.