пред 4 години Италијанската влада одобри пакет помош од 10 милијарди евра за компаниите погодени од вториот бран на пандемијата на коронавирус, објави Ројтерс.
Според мерките донесени вчера вечерта, Рим веднаш ќе понуди неповратни 1,95 милијарди евра за бизниси и помош во храна за сиромашните.
Владата подготвува дополнителни осум милијарди евра за постојните програми за помош.
Италија, поради затворањето на земјата со цел борба против епидемијата, годинава очекува економски пад од најмалку девет проценти. Министерството за финансии додава дека новите мерки не треба да го туркаат буџетскиот дефицит оваа година над сегашните 10,8 проценти од бруто домашниот производ (БДП).
Владата има намера да потроши дополнителни 15 до 20 милијарди евра за да и помогне на економијата на почетокот на следната година.
Според Министерството за здравство, Италија вчера регистрирала 37.242 нови случаи на инфекција и 699 смртни случаи од ковид-19.
Би можело да ве интересира
Стотици куќи поплавени на северот во Франција, евакуирани 133 лица
Авганистан ги отвори универзитетите, студентките влегуваат низ посебни врати
Во самопослуги во Италија откриени траги од коронавирус
Урсула фон дер Лајен ја прими првата доза од вакцината против Ковид-19
Норвешка забрани послужување алкохол во рестораните и баровите
Тројца сириски војници се убиени во израелски воздушен напад
