Лапид: Лавров да чита историска книга наместо да шири лажни антисемитски гласини

Израелскиот министер за надворешни работи Јаир Лапид денеска го повтори својот гнев поради изјавите на неговиот руски колега Сергеј Лавров дека и Адолф Хитлер има еврејска крв и го повтори својот повик до Москва да се извини.

var ai_block_div = document.getElementsByClassName (‘ai-viewports’); ai_insert_code (ai_block_div [ai_block_div.length – 1]);

„Мислам дека руската влада треба да им се извини на Евреите, на сеќавањето на убиените. Тоа беше ужасна изјава“, изјави Лапид за јавниот сервис во Кан, сугерирајќи му на Лавров „да ја прочита историската книга“ наместо да шири лажни „антисемитски шпекулации“.

Шефот на израелската дипломатија не ја исклучи можноста изјавите на Лавров да се одговор на неговата осуда на Русија за воени злосторства за време на инвазијата на Украина.

„Русите го кренаа својот глас против целиот свет, бидејќи, на крајот на краиштата, санкциите растат, поради фактот што ова е неправедна војна. Тоа е јасно уште од првиот ден“, рече Лапид.

Тој, сепак, додаде дека Израел ги зема предвид своите национални безбедносни интереси и своите вредности кога зборува против дејствијата на Русија, објавија израелските медиуми.

„Како и сите демократии, ние мислиме дека руската инвазија на Украина е неправедна и мора да заврши, а ние го кажуваме тоа и гласаме (на тој начин) во меѓународните тела кога е потребно“, рече израелскиот министер.

Тој објасни дека Израел секогаш внимава да ги заштити своите интереси во соседна Сирија, каде што е силна руската војска, но дека никој не може да им каже на Израелците дека не можат да заземат морален став за глобалните прашања.

Викторов во понеделникот беше повикан на интервју во израелското Министерство за надворешни работи поради изјавите на Лавров. Лапид рече дека разговорот бил тежок, но не откри детали.

„Можете да погодите и би било разумна претпоставка дека беше многу тежок разговор со амбасадорот овде бидејќи е непростливо, непростливо да се обвинуваат Евреите за сопствениот холокауст. Хитлер не бил Евреин и Евреите не го убиле дедо ми во Матхаузен. Нацистите го направија тоа и сите тие споредби со нацистите се непростливи и предизвикуваат бес“, рече Лапид.