Осум лица се борат за живот, хрватските пожарникари предупредуваат: Треба да бидеме внимателни

Големиот пожар што синоќа избувна во Локва Рогозница се прошири кон Омиш во текот на ноќта и зафати области над самиот град, достигнувајќи блиску до центарот на градот.

Пожарот загрози бројни куќи и згради, некои жители и туристи се евакуирани, а беше причинета и голема материјална штета, изгореа автомобили и објекти.

Во текот на ноќта, 43 лица побарале медицинска помош, 14 се задржани во болница, а осум се во живото-загрозувачка состојба, објавуваат хрватските медиуми.

Hrvatska vojska od ranih jutarnjih sati angažirana je na gašenju velikih požara diljem : tijekom cijelog dana na terenu su protupožarne zrakoplovne snage #HRZ i Obalna straža #HRM

Na području Omiša, Pelješca i Zadra požare gase vojni piloti Hrvatskog ratnog zrakoplovstva s… pic.twitter.com/SxcIofUV0t

— MORH/MoD Croatia (@MORH_OSRH) August 14, 2026

Полицијата денес околу 13:30 часот пронајде мртво тело на едно лице додека го прегледуваше изгореното подрачје. Во тек е и потрагата по 34-годишната жена од БиХ која исчезнала додека бегаше од пожарот синоќа.

Апел од хрватските пожарникари

„Би сакал да ги повторам предупредувањата до граѓаните: не палете оган на отворено, не фрлајте жар. За жал, сите наши апели не вродија со плод. Најлошото е што луѓето и имотот што го стекнале во текот на животот се изгубени. Нанесена е непоправлива штета и на нив и на природата, а ќе следи и ерозија на почвата бидејќи повеќе нема да има шуми“, предупреди главниот началник на противпожарната служба на Хрватска, Славко Туцаковиќ.

Текстот Осум лица се борат за живот, хрватските пожарникари предупредуваат: Треба да бидеме внимателни е превземен од МАКФАКС.