пред 3 години Портпаролот на Кремљ, Дмитриј Песков, изјави дека Москва веќе не може да ја толерира, како што рече, инвазијата на НАТО врз Украина.
„Сведоци сме на постепена инвазија на НАТО на територијата на Украина со инфраструктура, инструктори, одбранбено и офанзивно оружје, обука на украинската армија“, рече Песков во интервју за Си-ен-ен, делови од кое објави агенцијата РИА Новости.
Тој посочи дека таквиот развој на настаните ги довел на црвена линија односите меѓу Москва и Киев.
Песков рече и дека Русија никому не се заканува со воени операции, но дека ќе биде принудена да преземе контра-мерки во случај на натамошно проширување на НАТО.
Тој посочи дека руските војници на границата со Украина се последица на тензиите во регионот и додаде дека Москва смета оти е неопходно да остане таму, бидејќи вежбите на НАТО, летовите на борбените и шпионските авиони на НАТО и унапредувањето на инфраструктурата на НАТО кон руските граници, создаваат непријателска атмосфера.
Би можело да ве интересира
Јанша: Сега ни е потребна Америка повеќе од кога било по падот на СССР
Столтенберг со закана до Русија: Ќе платите ако ја нападнете Украина!
Во Боцвана откопан третиот најголем дијамант во светот
Тензиите од Блискиот исток се префрлија во Германија, инциденти пред синагоги, запалени знамиња
Се ублажуваат мерките во Британија, вакцинирани една третина од возрасната популација
Џо Бајден ја повредил ногата додека си играл со кучето
