Путин го осуди израелскиот напад врз Иран

Рускиот претседател, Владимир Путин, во одвоени телефонски разговори му рекол на иранскиот претседател дека Москва ги осудува акциите на Израел против Техеран и му рекол на израелскиот премиер дека прашањата поврзани со иранската нуклеарна програма може да се решат само дипломатски.

Во соопштението за печатот на Кремљ се наведува дека Путин му рекол на иранскиот претседател Масуд Пезешкијан дека Русија „ги осудува акциите на Израел кои ја прекршуваат Повелбата на Обединетите нации“ и изразил сочувство за загинатите.

Се известува дека Путин во разговор со израелскиот премиер Бенјамин Нетанјаху „ја истакнал важноста од враќање на преговарачкиот процес и решавање на сите прашања поврзани со иранската нуклеарна програма преку политички и дипломатски средства“.

Во соопштението на Кремљ се наведува дека Русија останува во близок контакт со Иран и Израел.

Текстот Путин го осуди израелскиот напад врз Иран е превземен од МАКФАКС.