Републикански сенатор убеден дека Трамп ќе употреби „преголема сила“ ако Ормутскиот теснец не биде повторно отворен

Сенаторот од Јужна Каролина, Линдзи Греам, изјави дека разговарал со Трамп и дека по телефонскиот повик е убеден дека претседателот ќе ја оствари својата закана да ги нападне иранските електрани ако не постигнат договор или не го отворат повторно Ормутскиот теснец.

„Откако разговарав со претседателот Трамп утрово, целосно сум убеден дека тој ќе употреби огромна воена сила против режимот ако продолжат да го попречуваат Ормутскиот теснец и одбиваат дипломатско решение за постигнување на нашите воени цели“, објави Греам на X. „Ако досега не им е јасно на Иран и на другите дека претседателот Трамп мисли што зборува, тогаш не знам кога воопшто ќе биде.“

Греам рече дека „целосно“ го поддржува ултиматумот на Трамп за напад врз енергетските постројки ако Иран не го отвори повторно Ормутскиот теснец до 6 април.

I just had a great conversation with @POTUS. I totally support his ultimatum to the Iranian regime to open up the Strait of Hormuz and to do a peace deal.

A massive military operation awaits Iran if they choose poorly.

This regime has been severely crippled through Operation…

— Lindsey Graham (@LindseyGrahamSC) April 4, 2026

Претседателот Трамп во објава на социјалните мрежи утрово му порача на Иран дека му остануваат 48 часа.

Текстот Републикански сенатор убеден дека Трамп ќе употреби „преголема сила“ ако Ормутскиот теснец не биде повторно отворен е превземен од МАКФАКС.