пред 3 години Претседателот на Европски парламент Давид Сасоли ја оспори изјавата на словенечкиот премиер Јанез Јанша дека Европска Унија нема да отвори хуманитарни или миграциски коридори кон Авганистан.
Сасоли наведе дека „претседавачот со Советот на ЕУ не може да кажува што ќе направи ЕУ“.
„Сите наши институции работат на тоа да утврдат каква солидарност е потребна за тие кои се во опасност од новиот (талибански) режим, а не само за Авганистанците кои работеа со нас“, изјави Сасоли.
Тој го повика словенечкиот премиер Јанша да разговара со европските институции за следните чекори. Рече дека сите земји чувствуваат дека се вклучени во расплетот на ситуацијата во Авганистан и јасно мора да се покаже солидарност.
Неговата изјава уследи откако Јанша на Твитер напиша дека ЕУ „нема да отвори никакви хунманитарни или миграциски коридори кон Авганистан“ и оти нема да дозволи повторување на мигрантската криза од 2015 година.
Би можело да ве интересира
Вучиќ: Целосна поддршка за територијалниот интегритет на Украина, oва не е време за санкции кон Русија
Русија собира војска – се одржуваат вежби од Атлантикот до Пацификот
Папата Франциско во болница, чека операција
И две кинески вакцини на списокот за итно одобрување од СЗО
Србија годинава ќе почне со домашно производство на вакцината „спутник В“
Словенија прогласи епидемија на коронавирус
