СЗО најави седница поради појавата на новиот вид на Ковид-19

Светската здравствена организација ќе одржи седница со сите свои членки за да разгледаат стратегија за борба против новиот вид на Ковид-19, што се појави во Англија, изјавил директорот на европскиот дел на СЗО, Ханс Клуге, кој пак не кажал кога ќе биде одржана таа седница.

„ Лимитирањето на патувањата за да се спречи ширењето е добро решение, додека не добиеме повеќе информации. Транспортот на стоки, основни намирници, би требало да остане на сила“ порача Клуге преку Твитер.

Организацијата во Женева соопшти дека нема потреба за општа паника поради новиот, позаразен вид на вирус, додавајќи дека тоа е нормален дел од пандемија, а притоа ги пофали напорите на Велика Британија да го спречи ширењето на новиот вид.

Во денешното соопштение, СЗО повтори дека нема доволно информации за да се утврди дали новиот вид на Ковид-19 може да влијае на ефикасноста на постоечката вакцина, нагласувајќи дека во тек се истражувања.