Фаучи: Во март започнуваме со тестирање на вакцината на „Модерна“ против јужноафриканскиот вид

Во средината на март во САД започнуваат испитувања на вакцини развиени од лабораторијата на „Модерна“ против јужноафриканскиот вид на коронавирусот, изјави Ентони Фаучи, советник во Белата куќа.

„Испитувањата започнуваат во средината на март“, рече имунологот на прес-конференција одржана во Белата куќа.

Засега, додаде Фаучи, нема да се прочува ефикасноста, туку само безбедноста и имуногеноста на производот, т.е. неговата способност да предизвика имунолошки одговор.

Тој кажа дека првата фаза од испитувањето ќе се спроведе кај мал број луѓе.

Јужноафриканската варијанта според научниците е најзагрижувачка бидејќи покажа дека може делумно да се спротивстави на имунолошката заштита развиена по инфекција со вирусот или по примањето на вакцината.