(Фотo) Црногорската полиција објави што сè пронашла кај Русинот кој уби тројца луѓе кај Даниловград

Црногорската полиција објави што пронашла кај телото на Михаил Николаевич Шабунин (30), рускиот државјанин осомничен за убиството на тројца вработени на стрелиште во близина на Даниловград во понеделникот.

Два пиштоли и повеќе од 230 куршуми муниција се пронајдени во шумата над Херцег Нови, за кои полицијата се сомнева дека ги зел од стрелиштето по убиствата.

Полицијата пронашла и мобилен телефон, таблети и други предмети. Сè ќе биде испратено на форензичка анализа, а истрагата продолжува во координација со Вишото државно обвинителство во Подгорица.

Шабунин е осомничен за убиството на Петар Глобаревиќ (24) и Немања Капор (20) од Подгорица и Момир Радоњиќ (67) од Даниловград околу 16 часот и 45 минути во понеделникот, 31 август, на стрелиштето „Чешка збројевка“. Сите тројца работеа на стрелиштето.

Текстот (Фотo) Црногорската полиција објави што сè пронашла кај Русинот кој уби тројца луѓе кај Даниловград е превземен од МАКФАКС.