(Фото) Романија потврди дека руски дрон „Геран-2“ удри во станбена зграда, Букурешт со докази до НАТО

Дронот кој во ноќта меѓу 28 и 29 мај удри во станбена зграда во романскиот град Галати, во близина на украинската граница, е од руско потекло и станува збор за моделот „Геран-2“. Ова официјално го соопшти романскиот претседател Никушор Дан, повикувајќи се на конечниот технички извештај на државните експерти.

Ова е првпат од почетокот на руската инвазија врз Украина во февруари 2022 година, руски дрон да погоди станбен објект надвор од територијата на Украина.

При падот на беспилотната летала врз зградата, две лица се повредени и итно пренесени во болница. Се работи за 14-годишно момче и 53-годишна жена.

Инцидентот се случил во четвртокот навечер, токму во моментите кога руската војска извршувала масовен воздушен напад врз цели во соседна Украина, при што леталниот апарат навлегол длабоко во романскиот воздушен простор.

Drona prǎbușitǎ joi noapte la Galați este Geran-2, de proveniențǎ ruseascǎ. Aceasta este concluzia fǎrǎ dubiu a raportului tehnic finalizat de specialiștii statului român.

Ancheta a stabilit acest lucru pe baza unui ansamblu consistent de probe tehnice.

Pe fragmentele… pic.twitter.com/0ICBAEpSF6

— Nicușor Dan (@NicusorDanRO) May 31, 2026

Цврсти докази: Најден натпис на кирилица и идентични сериски броеви

Иако руската амбасада во Букурешт го обвини Киев за „провокација“, а рускиот претседател Владимир Путин изјави дека не може да се утврди потеклото без детална анализа, романските власти излегоа со конкретни докази кои ја лоцираат одговорноста директно кај Москва:

Истрагата ги потврди овие факти преку неколку клучни докази. На пронајдените остатоци од трупот на дронот јасно е идентификуван кириличниот натпис „ГЕРАН-2“. Дополнително, деталната анализа на електронските компоненти покажа дека навигациските системи, контролните модули и моторот се идентични со други руски дронови кои претходно беа пронајдени на романска територија. На крајот, и физичко-хемиските анализи потврдија дека пронајдените материјали и горивото целосно се совпаѓаат со оние кои се повеќепати идентификувани кај сериските летала на руската војска.

„Врз основа на сериските броеви на компонентите пронајдени на лице место, несомнено е дека станува збор за производ од руско производство“, изјави романскиот министер за одбрана, Раду-Динел Мирута.

Букурешт ја засилува безбедноста со сојузниците од НАТО и ЕУ

Романскиот претседател најави дека резултатите од оваа детална истрага веднаш ќе им бидат соопштени на сојузниците и на надлежните тела во рамките на НАТО и Европската Унија.

Од почетокот на војната во Украина, десетици залутани беспилотни летала навлегоа на романска територија, но ова е прв случај со директни претрпени штети и повредени граѓани во станбена зона.

„Романија нема да игнорира ниту да минимизира ниту еден инцидент што ги загрозува животите на нејзините граѓани, националната безбедност или суверенитетот на романската држава“, заклучи претседателот Дан, најавувајќи дополнително засилување на одбраната на источната граница на Алијансата.

Текстот (Фото) Романија потврди дека руски дрон „Геран-2“ удри во станбена зграда, Букурешт со докази до НАТО е превземен од МАКФАКС.