OpenAI работи на нова функција за ChatGPT што ќе го олесни креирањето стикери за WhatsApp. Наместо претходниот процес, корисниците ќе можат да креираат и додаваат налепници директно во апликацијата.


Досега, процесот за ова беше доста комплициран: корисниците мораа да побараат од ChatGPT да креира стикери, потоа да ги преземат, да ги исечат доколку е потребно и на крај рачно да ги увезат во WhatsApp како пакет стикери.

Со анализа на најновата верзија на апликацијата ChatGPT (v1.2026.216), сајтот Android Authority откри траги од нова функција наречена „ChatGPT Stickers“.

Во кодот на апликацијата се појавија нови изрази, како што се:

  • “ChatGPT Stickers”
  • “Add to chat apps”
  • “Add to WhatsApp”
  • “WhatsApp (3 минимум)”
  • “Couldn’t add stickers to WhatsApp”
  • “Download stickers”

Сето ова укажува дека по креирањето на стикери, корисниците ќе ја добијат опцијата „Add to WhatsApp“, што ќе им овозможи да го префрлат целиот пакет директно во WhatsApp, без дополнителни чекори и со користење на апликации од трети страни.

Според моментално достапните информации, ChatGPT ќе бара од корисникот да креира најмалку три стикери пред да ги додаде во WhatsApp.

Сепак, ова не е ограничување воведено од OpenAI. WhatsApp веќе предвидува дека секој пакет стикери мора да содржи минимум три и максимум 30, така што новата функција се прилагодува на постојните правила на апликацијата.

Новата опција сè уште не е официјално воведена или достапна за корисниците, но нејзиното присуство во кодот на апликацијата јасно покажува дека OpenAI активно работи на интеграција со WhatsApp.

Откако функцијата ќе стане достапна, креирањето персонализирани стикери со употреба на вештачка интелигенција треба да биде значително побрзо и полесно, бидејќи поголемиот дел од претходниот рачен процес ќе биде автоматизиран.