Зголемената употреба на вештачка интелигенција (AI) ширум светот предизвика бројни дебати.


Додека некои се загрижени за тоа што ќе се случи ако вештачката интелигенција стане премногу моќна, па дури и оди дотаму што ќе каже дека ќе доведе до „истребување на човештвото“, други бараат начини да го регулираат полето. Сега, експертите велат дека можеби ќе треба да и дадеме на вештачката интелигенција право на слободен говор.

Главно, во текстот на веб-страницата The Conversation се се сведува на неприкосновеното право на слобода на мислата, кое на луѓето им е загарантирано со меѓународното право. Ова суштински значи дека владите имаат должност да создадат средина во која луѓето се слободни да размислуваат и да се изразуваат како што сакаат.

Бидејќи вештачката интелигенција станува толку голем дел од нашиот секојдневен живот, можеби ќе треба да го прошириме тоа право на слобода на говор и на овие системи, бидејќи вештачката интелигенција може да помогне во поддршката на нашето размислување со обезбедување информации и одговори на нашите прашања, се вели во текстот.

Сепак, се додава дека вештачката интелигенција треба да добие право на слободен говор само ако го поддржува нашето право на слободно мислење. Голем проблем, сепак, што ги мачи системите за вештачка интелигенција е дезинформацијата – сè уште постои можност не само да се хранат со погрешни податоци, туку и да се измислуваат (тоа веќе се случи).