Новиот лаптоп, кој е произведен во Русија, овозможува безбедно складирање на строго доверливи податоци.

Лаптопот е проект на компанијата „Роселектроника“, која е дел од холдингот „Ростех“.

Компјутерот има руски оперативен систем MSVS и модул за доверливо преземање податоци „Собољ“, кој обезбедува заштита од неовластен пристап, наведоа од компанијата. Според производителот, уредот овозможува безбедна работа со строго доверливи податоци.

Лаптопот најчесто се користи при теренски тестови на опрема, воени вежби и операции. Од Roselektronica соопштија дека тежината на лаптопот ќе биде намалена за 30% и дека нема да го изгуби квалитетот благодарение на легурата на магнезиум. Подетални карактеристики на уредот не се откриени.

Лаптопот е произведен во фабриката „Луч“ (Воздух), која е дел од концернот „Соѕвездие“.

Генералниот директор на фабриката „Луч“ најави дека за овој лаптоп се заинтересирани купувачи од нафтената индустрија. Според него, компјутерот овозможува создавање на сигурна ИТ инфраструктура која не зависи од територијални или климатски услови.

Кон средината на летото, руската компанија „3Logic Group“ претстави лаптоп кој може да ги замени уредите од сличен тип од странство. Лаптопот е направен за државни компании и комерцијални организации и не е планиран за широка употреба.