Xiaomi Redmi Note 10 серијата е една од најочекуваните линии телефони во 2021. година. Компанијата сега официјално потврди дека Redmi Note 10 ќе биде претставен на почетокот на март.

Тизерот што го најавува ова претставување е објавен на Redmi Twitter профилот од Индија. Најавата не открива никакви детали и единствено сугерира дека Redmi Note 10 ќе добие голема надградба во однос на својот претходник.

Гласините од претходно сугерираа дека Redmi Note 10 линијата ќе користи Snapdragon 750G чипсет и 108MP главна камера, но се уште се очекуваат повеќе информации за претстојните телефони.