Нови протекувања на информации за претстојните Surface Pro 8 и Surface Laptop 4 на Microsoft, се појавија откако уредите ја поминаа сертификација во Јужна Кореја. Се очекува дека овие два уреда ќе бидат претставени на почетокот на следната година, а ќе имаат ист надворешен дизајн, со нови ажурирани Intel и AMD процесори.

Корисникот на Twitter @Coziplanes сподели две фотографии, заедно со имињата на моделите. Surface Laptop 4 ќе го носи името на модел 1950; Surface Pro 8 ќе го има името на моделот 1960, a Surface Pro 8 со LTE 1961.

Surface Pro 8 веројатно ќе биде ажуриран со најновите процесори на Intel од 11. генерација, кои доаѓаат со моќна Intel Xe графика. Од друга страна, Surface Laptop 4 и натаму ќе нуди Intel и AMD опции, слично како и Surface Laptop 3, што беше објавен минатата година.

Покрај овие вести, се појавуваат гласини дека Microsoft ќе го објави Surface Duo на повеќе пазари во следната година. Microsoft, исто така, би можел да го објави Surface Go 2 во црна верзија следната година.