Acer одржа настан во рамките на кој компанијата објави голем број нови производи. Меѓу нив е и Predator Orion 7000 гејмерскиот десктоп компјутер.

Predator Orion 7000 е моќен гејминг десктоп PC, кој може да се конфигурира со до Nvidia RTX 3090 графика, два SSD 1TB PCIe 4.0 дискови, 64 GB RAM (DDR5, 4GHz) и 12. генерација Intel Alder Lake процесори.

Бидејќи ќе има голема конкуренција во овој сегмент, производителите ќе се обидат да привлечат клиенти со дополнителни карактеристики. Во случајот на Acer Predator Orion 7000 компјутерот, тоа е дизајнот и системот за ладење.

Acer има имплементирано водено ладење, кое ја одзема топлината од јадрата на процесорот (до 16), а топлината ја расфрлаат голем радијатор и вентилатор со големина од 120мм.

Acer FrostBlade вентилаторите се вградени и содржат квалитетни компоненти, според наводите од спецификациите. Вентилаторите за возврат треба да обезбедат висока издржливост и заштита од прегревање за скапите чипови.

Повеќе детали за гејминг компјутерот Acer Predator Orion 7000 се достапни на официјалната веб-страница. Компјутерот ќе биде достапен во ЕМЕА регионот од првиот квартал на 2022 година, по почетна цена од 2.199 евра.