Новите верзии на популарните игри Madden NFL 21 и FIFA 21 ќе бидат достапни за конзолите PlayStation 5 и Xbox Series X и S во декември.

Компанијата ЕА потврди дека игрите пристигнуваат на новите конзоли на 4 декември, а корисниците на PS4 и Xbox One кои ќе купат една од овие две игри ќе ја добијат дигиталната верзија од новата бесплатно.

Новите верзии ќе бидат достапни бесплатно во ограничен временски период односно до пристигнувањето на игрите Madden NFL 22 и FIFA 22 кон крајот на 2021 година.

Од друга страна, Madden NFL 21 и FIFA 21 ќе го искористат потенцијалот на новите и помоќни конзоли, а верзијата за PS5 ќе има корист од технологијата на хаптички фидбек на DualSense контролерот.

EA потврди дека играчите ќе можат да го пренесуваат својот напредок и собраните поени на новата генерација игри, вклучувајќи го напредокот во UItimate Team модот за двете игри, Madden модовите Franchise и The Yard и FIFA модот – Volta Football.