Минатиот месец дознавме дека Microsoft е се поблиску до објавување на Surface Laptop 4, кој ќе има Intel и AMD опции на процесори. Сега имаме повеќе детали, бидејќи се појавија страниците за поддршка на претстојните лаптопи.

Според сајтот WinFuture, Surface Laptop 4 ќе го користи мобилниот процесор Ryzen 4000 и ќе бидат достапни опции со Ryzen 5 4680U и Ryzen 7 4980U чипови. Кога станува збор за моделите со Intel хардвер, Microsoft ќе ја понуди 11. генерација Intel Core i5-1145G1 и Core i7-1185G7 процесори.

Другите спецификации вклучуваат 2265 x 1504p (3:2) дисплеј за 13-инчниот Surface Laptop 4 и 2496 x 1664p екран за 15-инчниот модел. Се очекува до 16GB RAM меморија за AMD верзиите на лаптопите и до 32GB за Intel моделите, како и 512 GB и 1TB SSD простор за складирање.

Microsoft следната недела би можел да одржи специјален Surface настан, во текот на кој официјално ќе биде претставен Surface Laptop 4.