Uber го продава својот бизнис со т.н. летачко такси – Elevate засновано врз производителот на електрични летала Joby Aviation со седиште во Калифорнија, пренесува BBC.

Ова е второ клучно средство со кое се разделува американската компанија за споделени патувања во оваа недела. Во понеделникот, Uber објави дека го продава одделот за автономни возила на Aurora Innovation.

Двете зделки се дел од стратегијата на технолошкиот гигант за намалување на трошоците и зголемување на профитабилноста.

Во изјавата на извршниот директор на Uber, Дара Косровшахи, се вели дека овој потег „ќе ја продлабочи соработката меѓу двете компании и ќе му овозможи на Joby Aviation, лидерот во нејзиниот сегмент, да го забрза процесот“.

Како дел од зделката, Uber ќе инвестира 75 милиони долари во калифорниската компанија.

Операциите на Elevate почнаа во 2016. година и се очекуваше тимот да почне понуда на авио-такси во Лос Анџелес, Далас и Мелбурн во 2023-та година.

Joby беше еден од партнерите на Uber во развојот на летачкото такси пред да ја преземе целата поделба. Производителот планира авиони со нулта емисија да носат четворица патници и да дозволат вертикално полетувања и слетувања.