WhatsApp овозможува подобро управување со групните повици

Популарната апликација WhatsApp добива нови функции, кои на корисниците им овозможуваат подобрени опции во рамките на групните повици.

WhatsApp додаде неколку нови функции неодамна кои ќе им овозможат на корисниците подобро да управуваат со групните повици. Сега е можно да се „стиши“ или да се испрати порака до одредени луѓе во групните повици.

Some new features for group calls on @WhatsApp: You can now mute or message specific people on a call (great if someone forgets to mute themselves!), and we’ve added a helpful indicator so you can more easily see when more people join large calls. pic.twitter.com/fxAUCAzrsy

— Will Cathcart (@wcathcart) June 16, 2022

Платформата додаде и банер, кој ќе ги информира корисниците кога некој ќе се приклучи на групен повик, беше објавено на платформата Твитер.

WhatsApp неодамна додаде неколку нови функции. Покрај функциите за групни повици, додадени се и нови поставки за приватност, кои на корисниците им даваат поголема контрола врз фотографиите на профилот и статусот Last Seen.

Компанијата, покрај горенаведеното, им олесни на корисниците на Android да ја префрлат својата историја на разговори на новиот iPhone.