Водечката британска компанија која развива млазни одела, Gravity Industries, со својот изум постави нов рекорд.

Млазното одело ќе им даде „натчовечки“ способности на службите за итни случаи кои ќе ги користат за мисии за пребарување и спасување во оддалечените области на северот на Англија.

Овој костум е направен со помош на 3D печатач и има две мали турбини фиксирани за рацете на корисникот, како и една лоцирана на задната страна. Оделото може да достигне брзина поголема од 150 km/h, а во новата демонстрација која е дел од обуката за вистински медицински лица, тимот ја покажа способноста на оделото брзо да се крева во височини дури и во услови на магла што се невозможни за хеликоптери. Типичното време на реакција за планинско спасување со планинарење е повеќе од 70 минути.

Сепак, млазниот костум ви овозможува да се искачите на висина од 945 метри за само три минути и 30 секунди, што е нов рекорд.

„Овој систем е како брз одговор на медицинските лица со мотоцикли во урбаните области и ќе прави разлика помеѓу животот и смртта во многу критични случаи“, се вели во соопштението на Gravity Industries.