Нов напад на Анонимуси врз Русија: Хакирана Руската православна црква, податоци протекоа до новинари и аналитичари

Хакерскиот колектив Анонимус ја објави на Твитер веста за новиот успешен напад врз Русија.

Добротворното крило на Руската православна црква претрпе хакерски напад од колективот Анонимус, а хакерите се пофалија на Твитер дека украле и разоткриле 15 гигабајти украдени податоци и дека објавиле околу 57.500 мејлови преку DDoSecrets.

#OpRussia: Hackers leaked 15GB of data stolen from the Russian Orthodox Church’s charitable wing & released roughly 57,500 emails via #DDoSecrets.#DDoSecrets noted that due to the nature of the data, at this time it is only being offered to journalists & researchers. #Anonymous pic.twitter.com/1JT3aZ6OLm

— Anonymous TV ?? (@YourAnonTV) April 1, 2022

Поради природата на податоците, тие засега се нудат само на новинари и истражувачи, се вели во соопштението, како на Twitter, така и на порталот DDoSecrets.

Хакерскиот колектив Анонимус досега успеа да создаде голем хаос во сајбер нападите врз дигиталната инфраструктура на Русија. Освен што „играа“ со семафорите во Москва, хакираа камери и принтери низ Русија, а објавија и 35.000 датотеки и тајни договори на Централната банка на Русија.