Германската компанија Mercedes-Benz потврди за CNN дека го продала најскапиот колекционерски автомобил во светот.

Многу редок модел на купе Mercedes-Benz SLR од 1955 година, кој се чува во колекцијата на овој производител на автомобили, е продаден на приватен сопственик за 135 милиони евра, што е еквивалентно на 142 милиони долари, наведува американската телевизија.

Со таа цена, овој автомобил стана најскапиот некогаш продаден во светот, според Хагерти, компанија која ги следи вредностите на колекционерските автомобили.

Парите од продажбата ќе бидат искористени за воспоставување на глобална стипендија на Mercedes-Benz, се вели во соопштението на компанијата.

Претходната рекордна продажна цена за еден автомобил беше 70 милиони долари, а беше платена во 2018 година за моделот Ferrari 250 GTO произведен во 1963 година.