Неодамна имаше промена на врвот на Steam платформата – по 14 години, Portal 2 повеќе не е највисоко оценета игра!


Според пресметките на веб-страницата Steam250, која собира статистика за кориснички прегледи за игри на Steam, новата највисоко оценета игра е Stardew Valley, кој е од типот „cozy-farming-life-sim“.

Моментално, Stardew Valley има импресивни 770 илјади кориснички прегледи на Steam, од кои 98% се позитивни, односно препорачуваат играње.

Stardew Valley не би требало да ви биде непозната ако сте воопшто запознаени со светот на гејмингот.

Тоа е игра која е продадена во над 41 милион примероци во своите девет години постоење, што ја прави една од најуспешните „инди“ игри во историјата. Тој резултат воопшто не е случаен, бидејќи покрај тоа што е една од најдобрите игри во својот жанр, Stardew Valley е исто така сè што гејмерите го ценат.

Веб-страницата HCL направи краток преглед на најважните позитивни работи за оваа видео игра:

  • игра која не е live сервис и има поддршка за дополнителна содржина дури и девет години по нејзиното објавување
  • игра без микротрансакции, платени додатоци, реклами, loot boxes, battle passes и други „предаторски“ елементи
  • игра која има здрав став кон modding сцената
  • игра која не користи наметлива антипиратска заштита и работи правилно на кој било хардвер
  • игра која не се променила на полошо, нема алчен издавач и нема регистрирано никакви скандали или контроверзии