Доналд Трамп се огласи на својата социјална мрежа Truth Social.


Новоизбраниот американски претседател Доналд Трамп денеска на својата социјална мрежа Truth Social изјави дека TikTok треба да се спаси, откако платформата престана да работи во САД во саботата навечер.

„Зачувајте го TikTok!“ напиша Трамп.

Трамп претходно рече дека „најверојатно“ ќе ја одложи забраната за TikTok за 90 дена, откако ќе ја преземе функцијата утре, на што TikTok се повика во известувањето објавено до корисниците на апликацијата.

Платформата TikTok, во сопственост на кинеската компанија ByteDance, ги суспендираше операциите за корисниците во САД доцна во саботата пред денешната забрана на социјалната мрежа во Америка.

@tiktok

Our response to the Supreme Court decision.

♬ original sound – TikTok

TikTok исчезна од продавниците за апликации на Apple и Google, објави Ројтерс.

„Забраната за TikTok е донесена во САД. За жал, ова значи дека засега не можете да го користите TikTok. Среќни сме што (новоизбраниот претседател на САД, Доналд) Трамп посочи дека ќе работи со нас на решение за да се врати TikTok кога ќе ја преземе функцијата“, се наведува во пораката на апликацијата.