пред 4 години Виенец со албанско потекло од Северна Македонија бил дел од терористичкиот напад кој се случи вчера во Виена, пренесува српски Курир, повикувајќи се на австрискиот магазин „Фалтер“.
Главниот и одговорен уредник на „Фалтер“, Флориан Кленк, тврди дека се работи за Куртин С. роден во 2000 година во Виена, каде и пораснал. Тој има албанско потекло, а неговите родители се од Северна Македонија и немаат никаква врска со исламизмот напишал Кленк на „Твитер“.
Тој навел дека момчето кое убило четири лица, а кое полицијата го убила и бил познат на Службата за борба против тероризмот BVT, затоа што бил еден од 90 австриски исламисти кои се обиделе да отпатуваат во Сирија.
Кленк тврди дека Куртин во јули бил спречен во обидот да замине на военото поле во Сирија.
„Властите не веруваа дека тој би можел да го испланира терористичкиот напад“, додал Кленк.
Министерот за внатрешни работи на Австрија Карл Нехамер, потврдил дека утрото е убиен терористи кој бил симпатизер на Исламската држава, без да наведе детали за инцидентот.
