Ацо Пејовиќ ќе има концерт во Скопје: Песните од филмот „Тома“ во живо пред македонската публика

Српскиот фолк-пејач Ацо Пејовиќ ќе одржи концерт во Скопје на 26 март во арената „Борис Трајковски“. Пејовиќ, кој долги години е на балканската музичка сцена, последниот период е во центарот на вниманието на јавноста, откако ги испеа сите песни за филмот „Тома“, вклучувајќи ја и „Полноќ е“, која за кратко време стана хит.

Организатор на концертот е „Балкан медија“, а билетите чинат 600 денари и веќе се пуштени во продажба.