пред 6 часа Подготовката на новата Стратегија за енергетика, спроведувањето на Стратегијата за рударство и подобрувањето на законската рамка беа главните теми на работната средба меѓу министерката за енергетика, рударство и минерални суровини Сања Божиновска и претседателот на Стопанската комора на Северна Македонија, Бранко Азески.
На средбата беше нагласено дека соработката меѓу институциите и бизнис-заедницата е важна за стратешките документи да се преточат во применливи решенија и услови за одржлив економски развој.
Азески ја потврди поддршката на Стопанската комора и стопанството за имплементацијата на Стратегијата за рударство. Во разговорите беше истакната потребата од координирано спроведување на стратешките определби и долгорочен развој на секторот.
Комората изрази подготвеност да се вклучи и во подготовката на новата Стратегија за енергетика, во соработка со меѓународните партнерски организации. Соговорниците посочија дека документот треба да ги земе предвид технолошките промени, новите енергетски трендови и актуелните потреби на компаниите, за енергетскиот систем да го поддржува растот на економијата.
Дел од средбата беше посветен и на автомобилскиот сектор, намалувањето на емисиите од сообраќајот и развојот на електричната мобилност.
Божиновска посочи дека просечната старост на возилата во државата е околу 20 години, додека бројот на електрични возила и инфраструктурата за нивна поддршка остануваат ограничени. Во тој контекст се разговараше за постепено усогласување со современите европски стандарди за емисии и за создавање подобри услови за користење електрични возила.
Министерката и претседателот на Комората ја потврдија подготвеноста за продлабочување на соработката и при унапредувањето на регулативата за јавно-приватно партнерство и концесии. Притоа беше нагласено значењето на искуството на компаниите во подготовката на функционални и применливи законски решенија.
Соработката меѓу Министерството и Стопанската комора ќе биде насочена кон спроведување на стратешките документи, подобрување на законската рамка и поврзување на развојните политики со потребите на стопанството.
Би можело да ве интересира
ЧЕКАШЕ И ДОЧЕКА – студентските ваучери и официјално се реализираат
Северина настапи во корсет и мрежести чорапи во Опатија
Грашо откри како изгледа Божиќ во неговата куќа: децата плачат, сестрата ги донесе кучињата
Цеца ќе ја пее насловната песна за филмот на Џеј Рамадановски
Ноел Галагер од „Оезис“ се разведува со сопругата по 12 години брак
Производ што има повеќе железо од спањак, го препорачува и Новак Ѓоковиќ
