Ванеса Брајант доби 30 милиони долари отштета за злоупотреба на фотографии од хеликоптерската несреќа

Ванеса Брајант ги реши преостанатите тужби против Лос Анџелес за злоупотреба на фотографии од хеликоптерската несреќа во која загинаа нејзиниот сопруг Коби Брајант и ќерката Џиана за речиси 30 милиони долари.

Минатиот август, на сопругата на Коби Брајант ѝ била досудена отштета од 15 милиони долари од судот поради фотографиите од хеликоптерската несреќа во 2020 година во која загинаа американската кошаркарска ѕвезда и неговата ќерка Џијана, кои беа обелоденети, а остатокот од решавање на преостанатите тужби се случи во вторникот и се однесува на тврдењата на државата за повреда на приватноста.

Сопругата на Коби исто така, ги донела двете најмлади ќерки, Капри и Бјанка, за да ја финализираат спогодбата.

„Денеска го означува успешното завршување на храбрата борба на г-ѓа Брајант да бара одговорност од оние кои учествуваа во ова гротескно однесување. Таа се бореше за нејзиниот сопруг, ќерка и сите оние во заедницата чие починато семејство беше третирано со слично непочитување. Се надеваме дека таа ќе победи на судењето и дека оваа спогодба ќе стави крај на оваа практика“, рекол Луис Ли, нејзин адвокат.

Ли претходно изјави дека Брајант ќе ги донира приходите од тужбата на нејзината спортска фондација „Мамба и Мамбасита“, која оддава почит на нејзиниот покоен сопруг и ќерка.

Предмет на судењето беа фотографии од остатоците од хеликоптерот, како и телата на жртвите. Обвинителите тврдеа дека фотографиите на нивните најблиски предизвикале емоционална вознемиреност и ја нарушиле нивната приватност. Тие сведочеа дека живеат во страв дека фотографиите би можеле да се појават, и покрај тврдењето на округот Лос Анџелес дека се уништени.

На 26 јануари 2020 година, Коби Брајант (41) и неговата ќерка Џана Брајант (13) загинаа во хеликоптер со уште седум лица. Хеликоптерот се урна во услови на магла надвор од Лос Анџелес.