Нели Фуртадо: На фотографиите ми ја осветлуваа кожата и ми ги намалуваа колковите

45-годишната пејачка Нели Фуртадо се присети на своите почетоци во музичката индустрија. Поп-ѕвездата се појави на големата музичка сцена во 2000 година со хитови како I’m Like a Bird и Turn off the Light.

Таа се присети на бројни едиторијали во кои бојата на нејзината кожа не им одговарала на сите.

„Имам маслинест тен и на фотографиите често ми ја осветлуваа кожата. Ми ги намалуваа и колковите, секогаш некако ќе го отсечеа тој дел во едиторијалите“, изјави Фуртадо за People.

Тоа искуство ја инспирираше песната Powerless, која се појави на нејзиниот втор албум, Folklore од 2003 година. И покрај овие искуства, Фуртадо со задоволство се присетува на нејзините претходни славни денови и чувствува дека е заштитена од помрачните страни на шоу-бизнисот што ги снашле некои од нејзините колешки.

„Секогаш имав толку добар тим околу мене, кои беа како семејство. Мојот тим ми изгледаше цврсто и тие навистина се грижеа за моите најдобри интереси. И мислам дека бев воспитана правилно“, сподели Фуртадо.

„Јас сум многу одлучна. Тоа беше добра алатка за навигација во музичката индустрија. И имав среќа затоа што добив навистина добри совети од мала возраст, за среќа, од многу заштитнички луѓе околу мене“, додаде таа.

Откако направи пауза од музиката за да ги воспитува своите деца, ќерката Невис (21) и помалата ќерка (6) и синот (5), Фуртадо сега се враќа на сцената. Таа го издаде својот седми албум и прв по седум години. Таа рече дека работела со Невис на овој албум. „Како да сум сосема нова јас, посилна, похрабра и посамоуверена“, рече таа.