Почина американската глумица и ѕвезда од „Нетфликс“ Бусисиве Лореј

Ѕвездата од серијата на „Нетфилкс“, „Како да го уништите Божиќ“, Бусисиве Лореј почина на 37 години. Причината за смртта е непозната, а се чекаат резултатите од обдукцијата.

„Со голема тага ве известуваме дека почина нашата драга Бусисиве Лореј. Таа почина изненадно во нејзиниот дом, а смртта медицинскиот персонал ја утврди во неделата. Засега причината е непозната. Се чекаат резултатите од обдукцијата“, напишаа од агенцијата Eye Media Artists.

Бусисиве во серијата ја глумеше Туми Село. Првата сезона е објавена во 2020 година, а втората на крајот на минатата година. За оваа улога освои и награда САФТА Златен рог за најдобра глумица во телевизиска комедија.