Северина: Ја снимив песната „Дали сум убава“ за сите оние кои го делат мојот поглед на светот

Северина сподели интересна објава на социјалните мрежи.

„Снимив нова песна, која можеби ви звучи познато, но овој пат се вика ‘Дали сум убава’ и сакам да ја споделам со сите кои го делат мојот поглед на светот и идеологијата. Видеото е снимено во катастрофално нискобуџетна продукција, сакајќи да ја покаже синергијата на жената и природа и сосед кој или го чисти базенот или лови слатководни риби (што е фигуративно значење, ако ме познавате)“, напиша таа на почетокот на објавата.

„Стајлингот беше внимателно избран, се двоумев помеѓу овој и другиот, но во овој сум поубава, што го оправдува самото име на песната“, продолжи таа во описот на видеото.

„Даската за месо не служи само како метафора за стихот „дури и да бев рамна како даска“, туку многу внимателно служи и како чанта додека Северина шета покрај базенот полн со вода, што е симболично. Можеше да биде празен базен, што е исто така симболично, но за друга песна“, напиша пејачката.