пред 5 години Американската влада бара ријалити ѕвездата Ким Кардашијан да ја врати античката римска скулптура која илегално била шверцувана од Италија. Според нив, Ким во 2016 година од Axel Vervoordt Gallery во Белгија купила статуа од варовник, позната како Fragment of Myron’s Samian Athena. Кардашијан, пак, тврди, дека таа никогаш не го купила делото и дека некој најверојатно само го искористил нејзиното име.
Античкото уметничко дело, кое датира од 1 или 2 век, било запрено на царина кога пристигнало во Лос Анџелес во мај 2016 година, оти властите сметале дека може да е заштитено културно богатство, се вели во извештајот на ФБИ што го објавија медиумите.
Во 2018 година, италијанското Министерство за културно наследство испратило археолог да го испита делото. Експертот потоа заклучил дека оваа статуа е украдена, шверцувана и нелегално извезена од Италија, и државата побарала статуата да се врати назад во Италија.
Сега ФБИ побара од Ким да се откажe од делото и тие во петокот, во Калифорнија, поднесоа тужба за конфискација на имот.
„Ким никогаш не го купила ова парче и првпат дознава за неговото постоење. Ние веруваме дека делото е можеби неовластено купено со нејзино име, и бидејќи никогаш не стигнало до нејзината адреса, таа не била ни свесна за некаква трансакција. Охрабруваме понатамошна истрага и се надеваме дека статуата ќе им биде вратена на нејзините вистински сопственици“, рекла претставничката на Кардашијан за медиумите.
Би можело да ве интересира
Странски инвеститор заинтересиран да го купи Вардар
Француска супа за пилешко со зеленчук
Дали мистериозниот дрон кој падна во Загреб е порака за некого? Ист случај настанал во 1987 година во Москва кога еден млад Германец го понижи СССР
Подводната новогодишна елка на дното на Охридското Езеро пак е украсена откако лани пандемијата ја прекина традицијата
Матеа Киселичка добитничка на „Менада за млад уметник 2021“
Поранешниот сопруг на Наја Ривера ќе ја бара правдата на суд за починатата глумица
