пред 2 години Голем број граѓани денес излегоа пред Младинскиот културен центар да протестираат во одбрана на МКЦ. На собирот имаше голем број музичари, уметници и љубители на музиката кои изразија незадоволство од начинот на кој се раководи со оваа институција.
Собирот го организираше колективот на млади музичари „Гола планина“ и на него настапија голем број пејачи. Раперот Никола Трпески „С.А.М.“ и музичарот Мартин Џорлев, кој е дел од „Гола планина“, рекоа дека досега во МКЦ имале голем број свирки и дека тоа мора да продолжи и во иднина.
Имаше луѓе кои дојдоа со пароли на кои пишуваше „МКЦ не е партиска цицка“ и „Културата е скапа, некултурата поскапа“. За потсетување, протестот беше најавен по смената на досегашниот в.д. директор Ванчо Богоев, а на него се собираа и потписи за зголемување на буџетот.
Организаторите велат дека буџетот на МКЦ е само 8 отсто од годишниот буџет со кој се работело и во изминатите години или само 32.000 евра. Петицијата ќе ја испратат и до Град Скопје и Министерството за култура, но засега велат дека сакаат само да соберат што повеќе потписи.
Фото: Фејсбук
Би можело да ве интересира
Место дресот дај ми ја сестра ти: По 17 години Матераци призна дека го провоцирал Зидан во финалето на Светско
Шакира на суд за затајување данок, пејачката одби спогодба со судот
(Галерија) Политичари, пејачи, обични граѓани: Цело Скопје им дојде на концерт на „Архангел“ и Филхармонија
Фотографи ја тужат Дуа Липа, пејачката оди на суд
На Американец му го вратиле изгубениот паричник од пред 50 години на Антартокот
Српската премиерка Ана Брнабиќ ќе живее во вилата на Јованка Броз
