Адел ги надмина Мадона и Бијонсе, прогласена за најпродавана музичарка на 21. век

Поп-пејачката Адел е прогласена за најпродавана музичарка на 21. век, надминувајќи ги ѕвездите Мадона, Бијонсе, Леди Гага и Ријана, објави Британската фонографска индустрија. Според неа, сите три албуми на Адел, „19“ (2008), „21“ (2011) и „25“ (2015), се искачија на листата на десетте најпродавани албуми снимени од жени.

Нејзиниот втор албум „21“, само во Велика Британија, се продал во шест милиони примероци, со што се наоѓа на првото место во овој век. На второто место е албумот „Back To Black“ на починатата Ејми Вајнхаус, a на третото е пак Адел со „25“.