Бела Хадид се врати на модната писта по две години пауза, луѓето се воодушевени

Бела Хадид се врати на модната писта по пауза од две години.

27-годишната манекенка се прошета на ревијата за Сен Лоран на модната недела во Париз, каде што беше претставена женската колекција пролет/лето 2025 година.

Таа се појави на пистата во предимензиониран црн костум со бела кошула и вратоврска. Носеше и очила за сонце, а косата и беше собрана во пунџа.

Нејзиното враќање многумина го дочекаа со ентузијазам. Фотографиите на Бела од ревијата се проширија на социјалните мрежи и предизвикаа многу позитивни коментари.

„Бела се врати“, „Изненадена сум, колку добро“, „Икона“, „Сите сакаат да бидат како Бела Хадид“, се редат коментарите на „Икс“.