Брз рецепт за чоколадни коцки

Состојки за колачот:

– 350 гр шеќер

– 240 гр брашно

– 240 мл вода

– 125 мл растително масло

– 125 мл слатка павлака

– 115 гр путер

– 100 гр темно чоколадо

– 3 јајца

– 3 лажици незасладено какао во прав

– 1,5 лажички екстракт од ванила

– 1 лажичка прашок за пециво

– 1/2 лажичка сода бикарбона

Состојки за глазурата:

– 400 гр шеќер во прав

– 115 гр путер

– 100 мл слатка павлака

– 3 лажици какао во прав

– 1 лажичка екстракт од ванила

Подготовка:

Загрејте ја рерната на 180 степени. Во поголем сад измешајте ги брашното, прашокот за пециво, сода бикарбоната и шеќерот и оставете ги на страна.

Во посебен сад изматете ги јајцата и измешајте ги со шлагот и екстрактот од ванила.

Оставете ја смесата на страна.

Потоа во посебна тава растопете ги путерот и чоколадото. Во смесата додадете вода и масло.

Растопената чоколада измешајте ја со брашното, па измешајте сè заедно со смесата на база на јајца и слатката павлака.

Добиената смеса префрлете ја во претходно подмачкана тава за колачи.

Ставете го колачот во загреана рерна околу 35 до 40 минути. Проверете со чепкалка дали колачот е печен пред да го извадите од рерна.

Оставете го колачот целосно да се излади пред да го намачкате со шеќер во прав, слатка павлака, екстракт од ванила, какао во прав и стопен путер.

Исечете го колачот на коцки и послужете.