пред 3 години Мистериозниот графити уметник, Бенкси, потврди дека делото што се појави на ѕидот на затворот во Ридинг е негово.
Делото прикажува затвореник како се спушта по јаже направено од постелнини, врзано за машина за пишување. Тоа се појави по кампањата, која лобира некогашниот затвор да биде претворен во уметнички центар.
Дека тој е автор на ова дело, Бенкси потврди на својот „Инстаграм“ профил, со кратко видео, во кое може да се види како го сторил сето тоа.
Многумина во коментарите изјавија дека Бенкси се надмина себеси.
„Свесни сме дека Бенкси ја презеде одговорноста за графитот. Ги разгледуваме следните чекори и ќе известиме за нив“, соопшти министерството за правда, кое се наоѓа под притисок на градските власти да го пренамени затворот во културно-уметнички комплекс.
Затворот има и историска вредност бидејќи е овековечен во поемата „Балада за Рединг Гаол“ на Оскар Вајлд, кој бил затворен тука од 1895 до 1897 година. Владата го продава затворот од 2019 година.
Би можело да ве интересира
Шакира до Клара Чиа: Во пеколот, има место резервирано за жени кои нѐ поддржуваат други жени
Почина глумецот од „Терминатор“ Ерл Боен
По убиената снимателка Хачинс, Двејн Џонсон рече дека никогаш повеќе нема да користи вистинско оружје на снимањата
„Каде е Емили“, продолжение на роман стар 20 години: Емилија Златкова-Анастасова ја промовира новата книга
(Видео) „Кафето е горко, ама ти си сладок“, Лиде Лиде со нова песна за Венко
Новата девојка на Том Круз е иста како Кејти Холмс
