(Видео) Пол Вокер во новиот трејлер на „Брзи и бесни“

Во  трејлерот за новото продолжение на „Брзи и бесни“ го има и глумецот Пол Вокер кој почина во 2013 година во автомобилска несреќа. Делот со него е видео од петтото продолжение од франшизата од 2011 година, а снимката досега никогаш не била користена, рече режисерот Луис Летериер.

Доаде и дека Вокер нема да се појави во ниту една од сцените во сегашно време.

„Брајан е жив во светот на „Брзи и бесни“ и ќе го видиме во деветиот дел. Планирано е да имаме сцени кои ќе не вратат назад и ќе го видиме Брајан во минатото, но не и сегашноста. Тоа е нешто со кое ќе мора да се соочиме. Семејството Вокер и понатаму во голема мера е дел од оваа франшиза. Мислам дека она што Џејмс Ван го направи на крајот на седмиот дел беше совршено. Брајан мора повторно да влезе во франшизата еднакво совршено како што и ја напушти“, рече Летериер за gamesradar.com.

За потсетување, во новото продолжение глуми и Џејсон Момоа кој сака да му се одмазди на главниот лик Доминик Дом Торето, кој го глуми Вин Дизел. Торето со тимот ќе украдат голема сума пари од татко му.