(Видео) Тиктокер тврди дека Кијану Ривс му е биолошки татко

Тиктокерот Дастин Тајлер тврди дека холивудскиот глумец Кијану Ривс му е биолошки татко. Тој во една од своите снимки објасни дека родителите му се развеле уште пред тој да се роди и дека целиот живот растел со фактот дека татко му е мртов.

„Како минуваше времето, конечно ја добив вистината од мајка ми. Се утврди дека татко ми е Кијану Ривс“, рече Дастин.

Многумина негови фанови го поддржаа и му поверуваа затоа што тој многу личи на глумецот. Во една од снимките Дастин рече дека не му е важно дали Кијану ќе признае или не. Засега глумецот не се огласил по ваквите тврдења.

За потсетување, Ривс и неговата партнерка Џенифер Сајм ја изгубија ќерката Ава Арчер Сајм Ривс, која се роди предвреме кога Џенифер беше во осмиот месец од бременоста. Трагедијата ги погоди сите, па тие решија да се разделат неколку недели подоцна.

@omfgitsdustintyler#foryou #fyp♬ original sound – Sarah Cothran

Во април 2001 година Џенифер доживеа сообраќајна несреќа и загина на самото место. Медиумите пишуваа дека таа била под влијание на седативи, кои лекарот ѝ ги препишал против депресија.

Ривс, кој во тоа време требало да го снима филмот „Матрикс“, побара пауза за да може да се избори со несреќата што му се случи. Потоа никогаш не се ожени.