(Видео) Убиени 63 пингвини за време на снимање на документарец на Нетфликс

Шеесет и осум пингвини биле убиени за време на снимањето на документарец на Нетфликс, на плажа во Кејп Таун во Јужна Африка, пишува ИФЛ Наука. Пингвините биле искасани до смрт од рој пчели, кои исто така умираат по убодите. Жителите од градот ги пронашле на плажата.

Велат дека е иронично заради тоа што во документарецот се збореле токму за нивното истребување. Бројот на пингвини од африканската колонија „Болдерси“ во последните децении е во драстичен пад. Според Црвената листа на IUCN, Африканскиот пингвин (Spheniscus demersus) нема доволно риба заради прекумерниот риболов и поради климатските промени.

Луѓето им ја ловат рибата, а страдаат и од жешкото време. Еден мртов пингвин бил пронајден на плажа во Фиш Хук, следниот град на помалку од 6 километри оддалеченост.

Телата беа однесени во Јужноафриканската фондација за заштита на крајбрежните птици (САНККОБ) каде била направена обдукција и биле земени биолошки примероци за тестирање.

Пост-обдукцијата покажала дека пингвините имале повеќе убоди од пчели. Биолошки примероци биле испратени за тестирање на болести и токсикологија за да се отфрлат сите други можности.

Африканските пингвини можат да се најдат во крајбрежните региони на Јужна Африка, Намибија, Ангола, Демократска Република Конго, Габон и Мозамбик.

Поради нивното крикање слично на магаре се нарекуваат и магарешки пингвини, а гласот знае да им биде сличен на како на човекот, пеат песни со слогови, а високи се само 60 сантиметри

Во 2020 година, научниците ги проучуваа песните на африканските пингвини во заробеништво и открија дека тие комуницираат користејќи пократки звуци за звуците што најчесто ги користат и подолги вокализации, со повеќе слогови, за посложени пораки, слични на јазичните принципи пронајдени во човечкиот говор низ целиот свет.

Се смета дека африканските пингвини се особено ранливи на повеќекратни убоди од пчели од Кејптаун поради нивниот мал раст. Пингвините се високи само 60 сантиметри, а тежат од 2,2 до 3,5 килограми.