Вонземјанинот Ити ќе се продава на аукција за 3 милиони долари

Филмот „Вонземјанинот Ити“ на Стивен Спилберг од 1982 година е приказна за обидот на вонземјанин да се врати дома, а сега љубителите на филмот ќе имаат можност да го поседуваат оригиналниот механички модел во својот дом за три милиони долари.

Оригиналниот механички модел ќе биде понуден на аукцијата Icons and Idols: Hollywood, организирана од Julien’s Auctions и Turner Classic Movies (TCM), за да се совпадне со 40-годишнината од филмот.

Моделот има 85 механички зглобови и на него се движи, од очите до вратот и долгиот вперен прст што го користел за да го извести својот нов пријател Елиот дека сака „да се јави дома“. Со него раководеа 12 професионални аниматори.

Се смета за инженерско ремек-дело, првично беше создаден од италијанскиот дизајнер на специјални ефекти Карло Рамбалди.

Се очекува на аукција да достигне цена од околу 3 милиони долари.

„Тим од куклари помогнаа да го оживеат вонземјанинот и да комуницираат со неговите мали пријатели Елиот (Хенри Томас) и неговата помлада сестра Герти (Дру Баримор)“, се сеќава Мартин Нолан, директор на Julien’s Auctions.

Филмаџиите работеле деноноќно за да го создадат она што го гледате… бидејќи не се работи само за создавање визуелни елементи. Дру, која во тоа време била мало девојче, верувала дека е навистина жив, рече тој.

„Вонземјанинот Ити“ беше номиниран за девет Оскари, освојувајќи четири од нив, вклучувајќи ги и најдобрите визуелни ефекти, кои му припаднаа на Рамбалди и неговиот тим.

Освен Ити на аукцијата ќе има наддавање за велоспиедот на Елиот и неговите пријатели кои го користеа во обид да и избегаат на полицијата. Специјално дизајнираниот БМХ, кој прелета преку заоѓањето на сонцето во филмот, се очекува да достигне цена од 50.000 долари.

На аукцијата се нудат и други филмски сувенири, вклучително и светилници од франшизата „Војна на ѕвездите“, стапот што Чарлтон Хестон го користеше за да го раздели Црвеното Море во „Десетте заповеди“.

Сите наведени предмети одат на чекан следниот викенд, 17-ти и 18-ти декември на аукцијата на Беверли Хилс.