Ето предвидува победа на Мароко против Франција, досега ги погоди сите кои ги елиминираше па некои мислат дека Светското е наместено

Или Светското е тешка местенка или поранешната фудбалска ѕвезда Самуел Ето е новиот Астрадамус, сметаат заговорниците, откако Камерунцот на шега ги погоди сите успеси на Мароко на Мундијалот.

Можеби само промаши за неговата репрезентација Камерун, но за другите африкански земји знаеше повеќе од сите други. Пред финалниот меч, сите зборуваат за сензационалниот пласман на Мароко, откако успеаа да ги елиминираат Белгија, Шпанија и Португалија. Сега на ред им е Франција.

Ова ќе биде најтешката задача за Мароканците, но Ето верува дека ќе успеат да стигнат и до финале.

„Камерун ќе ја освои титулата, а во финале ќе го победи Мароко. Мароко во осминафинале ќе ја исфрли Шпанија, потоа во четвртфинале Португалија и Франција во полуфинале. Што се однесува до нас, во елиминационата борба ќе бидат подобри од Белгија во четвртфинале и Сенегал во полуфинале“, рече Ето во интервју за „ФИФА“.„Како да е Баба Ванѓа или Нострадамус. Ето ја предвиде судбината на Мароко. Да биде уште повозбудливо, легендарниот напаѓач на Барселона и Интер, точно по фази, погоди која репрезентација ќе игра против Мароко и тоа без грешка“, велат некои од заговорниците.

„Случајно или не, Ето ни ја испиша најубавата бајка на Мундијалот, затоа што никој ни во сон не можеше да го замисли Мароко во полуфинале, особено по тежкиот пат дотаму. Сега никој не смее да ни забрани да сонуваме и за повеќе. Ние сме сензација на векот, затоа што од 2002 година, ниту една репрезентација која беше аутсајдер нема стигнато до полуфинале. Пред 20 години тоа беше Јужна Кореја, денес тоа е Мароко. Тоа е една од најневеројатните приказни“, велат навивачите на Мароко.

За потсетување, фудбалерите на Мароко во саботата испишаа историја. Со победата над Португалија од 1:0, станаа првата африканска репрезентација која е на најголемото фудбалско случување стигна до полуфинале. По историската победа, селекторот Валид Реграгуи ги спореди фудбалерите со Роки Балбоа.

„Ние сме тим кој сите го сакаат на Светското. Му покажавме на светот дека може да се успее и без голем талент и пари. Ова не е чудо. Многу во Европа велат дека е, но ја победивме Белгија, Шпанија и Португалија, без примен гол. Го направивме нашиот народ и целиот контингент горд, а луѓето ширум светот кога го гледаат Роки, сакаат да навиваат за него“, рече Реграгуи.

„Ова не е чудо. Ова е работа. Африка работи, арапскиот свет работи. Го усреќивме нашиот народ, континент и арапскиот свет. Кога ќе го погледнете Роки Балбоа ќе се поистоветувате со него затоа што тој е некој кој дошол од дното. Ние сме како него на ова Светско“, додаде тој.

Рече и дека не можел да се воздржи, а да не заплаче по мечот со Португалија.

„Мислам дека ова е првпат да плачам по еден натпревар. Се обидов да ги контролирам емоциите, да бидам пример, но некогаш е претешко. Кога ќе ја доведете својата земја до полуфинале на Светско, не можете да се контролирате, емоциите ве преплавуваат. Невозможно е да се каже што ќе се случи. Мароко ќе експлодира. Ова е неверојатно. Да му донесам толкава радост на нашиот народ е нешто од што нема ништо подобро“, додаде Реграгуи.

„Имаме јасен план. Секој мора да го одработи свеото. Зијеш и Буфал никогаш не трчале волку, но тоа го прават за својата земја. Мораме да се бориме повеќе од другите, затоа што немаме исто оружје. Ако немате срце, не можете да ги победите големите екипи. Му покажавме на светот дека во животот сè е можно со малку талент, квалитет и пари. Ако сакате да работите и да верувате, тогаш можете“, додаде Реграгуи.