Измамници се претставувале како Бред Пит и навеле обожавателки да веруваат дека започнале романтична врска со нив

Во Шпанија уапсени се пет лица кои изнудиле 325.000 евра од две жени претставувајќи се како познатиот американски актер Бред Пит, соопшти денеска МВР на таа земја на својата официјална веб-страница.

Во текот на истрагата, се покажа дека криминалците контактирале со своите жртви преку веб-страница за обожаватели на американскиот актер, ја добиле нивната доверба и ги навеле да веруваат дека започнале романтична врска со Бред Пит.

Потоа со лажно претставување ги натерале жртвите да инвестираат во „комерцијални проекти“.