Илон Маск стана најбогатиот човек во светот

ачот на „Тесла“, Илон Маск, стана најбогатиот човек на светот, откако неговото богатство надмина 185 милијарди долари. Тој се најде на првото место на листата најбогати луѓе, откако вредноста на акциите на „Тесла“ денес повторно порасна.

Тој сега има 188,5 милијарди долари, односно, 1,5 милијарди повеќе од основачот на „Амазон“ Џеф Безос, кој беше на чело на листата од 2017 година. За 12 месеци богатството на Маск порасна за повеќе од 150 милијарди долари.

Пазарната вредност на „Тесла“ денес првпат стигна до 700 милијарди долари, што значи дека вреди повеќе од „Тојота“, „Фолксваген“, „Хјундаи“, „Џенерал моторс“ и „Форд“ заедно.

„Чудно е да се биде најбогатиот човек на светот. А, сега, назад на работа“, напиша Маск на „Твитер“.

Тој вели дека половина од неговите пари би помогнале да се решат проблеми на Земјата, а со другата половина планира да изгради самоодржлив град на Марс за да се обезбеди континуитет на животот, во случај Земјата да ја погоди метеор или да почнеме Трета светска војна.