Кинескиот милијардер Џек Ма загуби 26 милијарди долари откако властите уапсиле човек со исто име

Кинескиот тајкун Џек Ма, загуби 26 милијарди долари, откако властите во Кина уапсиле човек со слично презиме како неговото. Кинескиот гигант „Алибаба“ чиј основач е Ма, во вторникот забележа пад на акциите во Хонг Конг за 9,4%, откако кинеските државни медиуми објавија дека поединец по име Ма во градот Хангџоу, каде е и седиштето на компанијата, бил приведен поради загрозување на националната безбедност.

Според кинеската државна телевизија CCTV, осомничениот на 25 април, бил приведен поради сомнеж дека соработувал со прекуокеанските антикинески непријателски сили и дека ја поттикнувал сецесијата и субверзијата на државните власти.

Извештајот брзо го превземале и другите државни медиуми и кинеските новински платформи, па тоа веднаш предизвика паника во продажбата во Хонг Конг, бришејќи 26 милијарди долари од пазарната вредност на компанијата на Ма „Алибаба“ за само неколку минути.

Поранешниот главен уредник на државниот таблоид Global Times, Ху Ксијин побрза на кинеската платформа Vejbou да го објасни случајот. Тој рече дека името на осомничениот имало три знаци, додека на вистинскиот Ма е со два. CCTV подоцна тивко го ажурираше својот оригинален извештај, за да одговара со проценката на Ксијин.

За дополнително се тргнат сите сомнежи, Global Times објави и дека обвинетиот бил роден во 1985 година, во Венџоу, додека Џек Ма е роден во 1964 година во Хангџоу и дека тој работел како директор за истражувања и развој на хардверите во ИТ компанија.

Неговата компанија „Алибаба“ подоцна до крајот на денот ги надополни поголемиот дел од загубите. Реакцијата на пазарот е најновиот знак за тоа како нетрпеливите инвеститори го надминуваат кинескиот технолошки сектор, кој беше цел на жесток регулаторен шок од страна на кинеската влада на крајот на 2020 година. Лудилото кое се случи на пазарот во вторникот покажува дека довербата на инвеститорите останала нестабилна.

„Мислев дека ова е некоја чудна епизода“, рече Виктор Ши, професор по политички науки на Калифорнискиот универзитет во Сан Диего.

„Дали тоа беше еден вид на предупредување во технолошкиот сектор во целина, или можеби беше предупредување за Џек Ма лично? Никој не може да знае. Но, сигурно покажа дека владата не мора дури ни да уапси некој висок технолошки директор за да избрише десетина милијарди долари од пазарната проценка на компанијата. Само треба да објави некаква информација за него“, додаде Ши.

„Тоа е прилично моќно. И секако тоа е она што се случи и тоа е јасна илустрација на таа моќ, без разлика дали станува збор за вистина или не“, додаде тој.

Но, фактот што инвеститорите толку брзо поверуваа дека Џек Ма, некогаш најистакнатиот кинески милијардер, ќе се судри со државната безбедност, открива нешто за политичката реалност во која сега живеат многу кинески тајкуни.

„Веќе не е важно дали станува збор за него. Важно е дека многу луѓе помислија дека е тој, а и многумина очекуваат да станува збор за него“, напиша еден коментатор на „Веибо“, кој привлече 57.000 лајкови.

Пресвртот на јавното расположение против Ма е речиси исто толку спектакуларно како и приказната за неговото богатство. До пред околу три години, професорот по англиски јазик кој стана милијардер беше многу обожаван поради неговата харизма, отвореност и успех, а некои обожаватели дури и го нарекуваа тато.

Како технолошките компании како „Алибаба“ ги проширија своите деловни империи, тие станаа цел на растечка фрустрација и незадоволство кај младите кинески работници кои се уморни од долги работни часови, висок притисок и стагнација на платите.

Џек Ма ја поддржува работната култура на таканаречениот „996“ во Кина, што значи работа од 9 до 21 часот шест дена во неделата, но исто така таа предизвика остри критики во 2019 година.

Бидејќи технолошките гиганти се на мета на кинеската влада, злобните капиталисти сè повеќе се обвинуваат за различни социјални проблеми, од немилосрдната конкуренција, зголемените цени на недвижностите до недостаток на социјална мобилност.

„За само неколку години „тато ма“ беше означен како „гнил капиталист“ во јавното мислење и многу луѓе со нетрпение го очекуваат неговиот пад“, рече Ксијанг Донглијанг, блогер од Вичита.

„Но, прашањето е дали неговото уривање и уривањето на капиталистите и протерувањето на таканаречените странски сили навистина ќе го подобрат животот на сите?“, јавно праша Донглијанг.

Џек Ма се повлече од јавниот живо откако регулаторите ја прекинаа IPO Ant Group во САД кон крајот на 2020 година. Тој не објавил ништо на „Веибо“, каде има речиси 25 милиони следбеници, од октомври 2020 година. Неговата последна објава на на оваа кинеска платформа е средбата со околу 100 директори на училишта каде разговара за иднината на кинеското образование. Оваа средба беше преплавена со критички коментари.

„Нема да ме изненади ако еден ден заврши во затвор. Ти си само обичен капиталист. Не се преправај дека си добра личност“, биле само некои од коментарите кои ги добил.