пред 4 години 
Српскиот текстописец Марина Туцаковиќ, која со години се бори со ракот, вели дека откако во јавноста се зборува дека умира, полека ги снемало и пријателите од естрадата. Таа рекла дека сега, само понекогаш, ја бараат помладите музичари за да прашаат како е.
„Откако се разболев, повеќето ме заобиколуваат. Ама и мене ми одговара да се кријам, доста ми беше да ме има насекаде. Порано сите ми се јавуваа, а сега одвреме-навреме некој ми се јавува. Секогаш ме бараат оние од помладата генерација, Милица Тодоровиќ, Милица Павловиќ, тоа се деца со кои малку работев, но секогаш ме прашуваат како сум, дали ми треба нешто и тоа ме прави посреќна отколку да ми се јават зашто им треба текст,“ рекла Туцаковиќ во интервју за „Пинк“.
Таа открила и дека не престанала да пишува текстови, но тоа го прави многу ретко.
„Пишувам само кога имам сила. Многу работев во животот па овој полуодмор и ми одговара. Сонував да работам за Цеца и тоа и се случи. Мојот најголем успех е тоа што успеав, без оглед на сите хитови, подеднакво да уживам во туѓите текстови и песни. Некои туѓи текстови понекогаш ми изгледаа многу подобри од моите, ете на тоа сум горда. Од Џибони, Бајага, Бора…“, додала Марина.